Muslimar og morðhótanir

250px-wtc1_on_fire.jpg Þessu fögnuðu blessuð börnin með
kökuáti og kóla í skólanum

Í hvert skipti sem Evrópubúar segja skoðanir sínar á islam, sem ekki falla í frjóa jörð í Arabíu, birta myndir af spámanninum eða gera eitthvað sem muslimum líkar illa bregðast þeir gjarnan við með morðhótunum eða hryðjuverkum. Þeir kveikja í fánum vesturlandanna eða leggja sendiráð þeirra í austurlöndum í rúst og vilja helst reka alla vesturlandabúa úr landi. Á sama tíma hrópa imamar á í Evrópu að islam sé trú kærleikans.

Einhvern veginn finnst mér kærleikur og hefndarmorð ekki allveg í harmoníu. En ég er nú bara fermingardrengur frá Eskifirði svo mér er sjálfsagt vorkunn þó ég skilji ekki alveg samhengið.

Ég geri mér þó grein fyrir að bæði Evrópumenn og ekki síður Ameríkanar hafa oft leikið Araba og aðra muslima grátt. Arðrænt þá og aldrei lyft fingri til að verja þá nema þeir séu að gæta eigin olíuhagsmuna í leiðinni. Samt man ég ekki eftir að hafa heyrt eða séð að við sem búum í V-Evrópu hótum muslimum morði ef þeir ropa því út úr sér að kristin trú sé af hinu vonda. Það finnst þeim nefninlega í hjarta sínu og eru ekkert feimnir við að segja frá því. Síðast í gærkvöldi var það sagt við mig beinum orðum á foreldrafundi í skólanum mínum.

Þar kom einnig fram að viðmælanda mínum þótti ekkert athugavert við hefndaraðgerðir og var kátur yfir skotunum 11 sem skotið var á helgidóm gyðinga í Ósló í síðustu viku. Ég man líka eftir 12 september 2001. Þann dag komu nokkur börn með bakkelsi með sér í skólann. Súkkulaðitertu skreytta með m&m og annað góðgæti. Þau voru að fagna viðburðum dagsins áður á Manhattan eyju í Ameríku. Eiginlega veit maður ekki hvort maður á að hlæja eða gráta. En sannleikurinn er sá að þrátt fyrir allt eru þess börn flest afskaplega góð börn. Blíð eins og börn oftast eru og þurfa á nákvæmlega sömu umhyggju að halda og börnin okkar í þessum heimshluta.

Það er margt einkennilegt í kýrhausnum ekki síður en í hausum okkar mannanna.

Advertisements
Explore posts in the same categories: Almennt

5 Comments on “Muslimar og morðhótanir”

  1. Stefán Says:

    Mér athyglisvert að heyra þessa frásögn.

    Sagan af börnunum sem mættu með súkkulaðikökuna í skólann 12. september 2001 gekk í mörgum löndum, en hafði öll einkenni flökkusagnar – þar sem afar erfitt reyndist að finna upprunalegu heimildina. Kannski er hún fundin hér?

    Varst þú sem sagt sjálfur vitni að því að skólakrakkar mættu með góðgæti til að fagna tíðindunum?

  2. Dunni Says:

    Ég var sjálfur vitni af fögnuði barnanna í mínum skóla. Skólastjóri og kennarar kipptu að sja´lfsögðu strax í taumana og stöðvuðu sigurhátíð barnanna sem að sjálfsögðu fengu fagnaðarfyrirmælin að heiman. Við héldum fundi með öllum bekkjum í skólanum hjá okkur til að skýra út fyrir nemendunum, sem eru 6 – 12 ára gamlir, hvernig við litum á fjöldamorðin á Manhattan. Að sjálfsögðu voru það ekki öll islömsk börn í skólanum sem fögnuðu. En þó nokkur. Það hefði verið gaman að vera fluga á vegg í moskunum þessa septemberdaga 2001 þegar umræðan var semmest um villmennsku bin Ladens og félaga.

    Mér er vel kunnugt um að það voru ekki bara börn í mínum skóla sem fögnuð falli tvíburaturnanna. Það sama gerðist í skóla í Bærum og fleiri skólum í Ósló. Ég þykist nokkuð viss um að þessum atburði hafi verið víðar fagnað en í Noregi.

  3. Guðný Anna Says:

    Já, þetta er með ólíkindum. Ef maður er Múslimi og einhver talar illa um spámanninn manns, eða bara citerar í einhvern sem gerði það, þá er um að gera að hóta honum lífláti. Takist ekki að framkvæma það snarlega, tja, þá er bara að skjóta næstu kristnu nunnu sem á vegi manns verður. Ef þetta er kærleikur í þeirra heimi, hvernig er hatrið þá?

  4. Hemmi Kokkur Says:

    blessaður Dunni gamli, ég hitti gamla manninn hann faðir þinn í sundi á Eskifirði um daginn, var hann búinn að skila því til þín? En annars var ég að uppfæra bloggið mitt að nýju, en það hefur að mestu legið niðri um hríð, kíktu á það og segðu mér hvað þér finnst.

  5. Sigurður Arnarson Says:

    Sæll Dunni

    Ekki dettur mér í hug að bera blak af foreldrum barna sem senda þau með súkkulaði í skólann til að fagna hryðjuverkum. Hitt þykist ég vita að ekki er við blessuð börnin að sakast, enda vel þekkt að flest vandamál í skóla eru foreldravandamál.
    Getur verið að múslimar líti á sig sem kúgaðan minnihluta og lúti þá svipuðum lögmálum og aðrir slíkir hópar? Sem dæmi má nefna að svo virðist vera að í lagi sé að þeldökkir tali illa um bleiknefja en ekki öfugt. Konur (sem varla teljast minnihlutahópur) geta opinberlega gert stólpagrín að kynbræður okkar, en við getum ekki leyft okkur slíkt hið sama og svona mætti lengi telja. Þetta réttlætir að vísu ekki neitt en getur hugsanlega virkað sem útskýringa á einhverju. Hópar, sem með réttu eða röngu telja sig misrétti beitta, bregðast illa við slæmu umtali og leyfist að tala illa um kúgarann, hvort sem hann er raunverulegur eða ímyndaður.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: