Archive for March 2006

Kennaraverkfall í Noregi

March 30, 2006

Þá er norskum kennurum nóg boðið. Í dag segja þeir hingað og ekki lengra og ganga út úr skólunum á hádegi til mótmæla hringli sveitafélaganna með vinnutíma þeirra. Náttúrulega eru kennarar í Ósló ekki með í aðgerðunum. Þeir semja sér við stjórn höfuðborgarinnar.

Þó verkfallið komi aðeins til með að standa í hálfan dag hefur það vakið miklum usla í hugum heimila og skólastjórnenda sem ekkert skilja í þessari vitleysu kennaranna. Forráðmenn sveitafélaganna eru líka arfavitlausir og segja verkfallið ólöglegt og óskiljanlegt að kennarar beiti verkfallsvopninu strax í upphafi samningaviðræðna. Sveitastjórnendurnir segja að kennararnir hafi ekki einu sinni haft tíma til að lesa í gegnum tillögurrnar þær séu svo nýjar.

Þarna sjáum við svart á hvítu að þessir kennarar, sama hvort þeir eru í Noregi eða á Íslandi, kunna ekki að skammast sín og heimta bara meira og meira. Þessir menn, sem vinna ekki nema brot af því sem aðrir launþegar þurfa að leggja á sig, hafa svo há laun að venjulegar launamaður myndi skammast sín fyrir að taka við launaseðlinum fyrir jafn litla vinnu.

Advertisements

Af Hellvítis Hórum og Hormónasprautum

March 28, 2006

Hore.jpg Portugölsk hóra í Svíþjóð.

Merkilegur samskiptamiðill Barnaland. Ætlaði að fara að kíkja á Emil hans Hemma vinar míns en fann þá náttúrulega ekki miðann sem hafði uppýsingar um síðuna að geyma. Datt þá í hug að kíkja á bloggið á Barnalandinu. Það væri til skammar að halda því fram að þar væri flóran ekki fjölbreytt. Þarna var umræða um “ekki framhjáhald” þar sem flestir sem tóku til máls sögðust aldrei hafa haldið framhjá og ætluðu svo sannarlega ekki að láta sér það til hugar koma. Ein kona sagðist verða veik af einni saman hugsuninni um að halda framhjá. Sú hefur þá allavega ígrundað möguleikan á framhjáhaldi en ekki tekið sjénsinn á að verða sjúklingur á eftir.

Þá var umræða um hormónasprautuna. Ég er nú svo vitlaus að ég veit ekki út á hvað hún gengur. En mér skilst að um sé að ræða getnaðarvörn. Ein kona sagði að þessi vörn væri ekki örugg frekar en aðrar. Máli sínu til stuðnings sagðist hún vera ólétt eftir sprautuna og það af tvíburum. Sennilega hefur sæði verið sprautað í hana en ekki hormónum. Hvað veit ég??? En það var þó leiðinlegt að hún er alltaf með verki á legsvæðinu. Vonandi líða þeir hjá.

Einn var svo heppinn að uppgötva “að einu sinni verður allt fyrst”. Sá á eftir að lifa lengi á hugviti sínu. Annars hafði hann nú frá grafalvarlegu máli að segja. Er eiginlega alveg sammála honum. Hvernig geta menn látið sér detta í hug að” kópípeista meil” með nafni manns sem nýbúið er að tilkynna að hafi fundist látinn. Er nema von hann spyrji??

Sú fjórða fjallaði um hellvítis hóru sem litið hafði inn á bloggsíðu 13 ára dóttur bloggritara og kvittað fyrir sig í gestabókina. Hellvítis hóran hafði skilið eftir blogglink þar sem bloggað var um ball sem sjálfsagt var fullt af hellvítis hórum og orðbragðið á síðunni eftir því. Ég er ekki hissa þó móðurinni hafi verið brugðið.

Svona get ég haldið áfram langt fram eftir nóttu. Af nógu er að taka á Barnalandi. Vísdómi og mannasiðum er gert hátt undir höfði á síðunni. Mér finnst einhvernveginn að maður opinberi fávisku sína ef maður reynir að koma sér fyrir í umræðunni þarna inni. Maður myndi gera sig að fífli þegar maður veit ekki hvað hormónasprauta er eða þá að einu sinni verður allt fyrst. Nei. Ég held ég fari bara að horfa á Arsenal og Juventus.

Afhommun af himnum ofan

March 27, 2006

Biskup.jpgBiskupinn í Ósló, Ole Chr. Kvarme, sem vill afhomma samkynhneigða.
Nú er þar til máls að taka að biskupinn í Ósló sér hélt ræðu um helgina þar sem hann þar sem hann tíundaði að vel mætti lækna homma og lespíur af ónáttúru sinni. Hann tók þar með undir með síðasta kirkjumálaráðherra Noregs sem sagði í sjónvarpsumræðum fyrir tveimur árum að vel mætti afhomma samkynhneigða. Hún, ráðherrann fyrrverandi, sagðist sjálf þekkja fyrrverandi samkynhneigða sem hefðu látið af “kynvillu” sinni eftir fyrirbænir.

Nú í kvöld var svo umræðuþáttur á TV2 þar sem ummæli biskupsins voru eina umræðuefnið. Að sjáfsögðu mætti hann ekki sjálfur í þáttinn en sendi sannkristin svein sem hélt uppi málsvörnum fyrir staðhæfingar biskups. Sá ítrekaði enn og aftur að lækna mætti kynvillu. Því til staðfestingar sagði hann frá því að Biblían greindi frá mörgum kraftaverkum og að tími þeirra þyrfti ekki að vera úti enn sem komið er. Hann sagði ekkert því til fyrirstöðu að biðja til almættisins sér til lækningar af samkynhneigð því það væri alls ekki útilokað að drottinn bænheyrði sanntrúaða kynvillinga og gerði á þeim kraftaverk.

Þar höfum við það. Kraftaverk af himnum ofan eru rétta lyfið við samkynhneigð

En það sem hvorki ráðherrann fyrrverandi, núverandi biskup og alls ekki skósveinn hans hafa athugað er hvort samkynhneigðir, sem mörgum líður afskaplega vel í sínum samböndum, hafa einhvern áhuga á lækningu frá himnum. Þeim finnst örugglega að þeir séu ekkert veilli fyrir en ráðherrann, biskupinn eða skósveinninn og aðrir þeir sem hafa sömu kynhneigð og tríóið telur drottni þóknanlegt.

Ísland í NATO og herinn á braut

March 26, 2006

spaca3aaX1X.jpg
Norskir NATO hermenn sem misstu skriðdreka í gegnum ísilagt vatn og kostaði tvo hermenn lífið á æfingu fyrir stuttu.

Að fylgjast með NATO umræðunni á Íslandi er ævintýri útaf fyrir sig. Halda mætti að ríkisstjórn lýðveldisins væri andlega lömuð eða haldin heilaskaða sem truflaði minni hennar. Það hefur staðið til, allar götur síðan Geroge settist að í Hvíta húsinu og jafnvel mikið lengur, að Kaninn hyggðist fækka hermönnum sínum á erlendri grund. Ísland hefur allan tímann verið meðal þeirra landa sem George ætlaði kveðja lið sitt frá. Í stað þess að fagna því að við getum nú loksins þvegið fingraför bandaríska hersins, sem ekki er bara þekktur af hjálpræði sínu, af íslensku þjóðinni gráta ráðamenn og sjáfsagt nokkrir einstaklingar sem missa atvinnu sína þegar herinn fer heim.

Hámark niðurlægingar þjóðarinnar var þegar sá góði drengur og utanríkisráðherra, Geir H. Haarde, fékk tvær mínútur til að gráta við pilsfald Gondólísu vestur í Whasington. Og um þessar mundir jarmar Össur í Póllandi yfir ráðviltum NATO-þingmönnum sem ekkert segjast hafa vitað af og þaðan af síður skilja í ákvörðunum sem teknar hafa verið í Hvíta húsinu síðustu misserin um að loka Keflavíkurstöðinni. Einna helst á Össuri að skilja að hann vilji gjarna fá pólska hermenn til að annast varnir lýðveldisins. Hvað er eiginlega í gangi í “varnarbandalaginu”. Veit ekki vinstrihöndin af því þegar sú hægri er í vasabiljard. Það er greinilega verulegt sambandsleysi yfir Atlandshafið þegar varnir Íslands eru ræddar í vestra.

Það er skiljanlegt að brottför hersins sé áhyggju uræðuefni í ríkisstjórn Íslands. Herinn er stór hluti af efnahagslífi þjóðarinnar. En áhyggjuefnið væri kannski minna ef ráðamenn hefðu ekki sofið á verðinum og verið búnir að tryggja fyrir löngu að Bush og félagar borguðu fyrir sig. Ég held að Halldór ætti að leigja sér míni-buss og taka ráðherralið sitt með sér í heimsókn til Hitaveitu Suðurnesja. Hún gæti lært af Júlla og félögum sem þar ráða ríkjum hvernig semja á við ótrygga bandamenn. Herinn, sem er langstærsti einstaki viðskiptavinur Hitaveitunnar, verður að borga heitavatnið sem hann kaupir í dag í mörg ár eftir að hann er horfinn af Miðnesheiðinni.

Nú er tími til kominn að Hjálpræðisherinn fái í bústaði Bandaríkjamannanna á vellinum til sinna nota. Þar fær hann allavega betri aðstöðu en hingað til til að hlúa að rónum og umkomuleysingjum sem leita á náðir hermanna algóðs guðs.

Sumartíminn brostinn á

March 26, 2006

Þá er sumarið komið. Það kom klukkan tvö í nótt þegar klukkan varð allt í einu þrjú. Leið þess í nótt lá yfir freðmýrar norður Rússlands og suður yfir Sakndinavíuskagan og þar af leiðandi fylgdi sumarkomunni ekki gleðigjafinn varmi eins og flest fólk vonaðist eftir. Nú ruddist þessi árstími inn á stór Gjerdrum svæðið með – 5°C sem verður að teljast kalt miðað við árstíma og enn er verulegur snjór á húsþökum og yfir túnum og engjum. En það er engan bilbug á fólki að finna. Náttúran býður upp á sínar allra fallegustu ásýnd í bjartviðrinu. Sólin og litaandstæðurnar í hvítum snjónum og iðagrænum barrtrjánum skapa aðstæður sem við Íselndingara þekkjum aðallega úr póstkortum frá Ölpunum. Eftir u.þ.b. tvær til þrjár vikur fer hitastigið að nálgast 20 gráðurnar fyrir ofan núllið. Þá hættir að rjúka úr reykháfum viðarofnanna og reykur frá útigrillunum tekru við.

Skil eiginlega ekki hvers vegna Ísland tekur ekki upp sumartíma. Það lengir sumarkvöldin sem hlýtur að auka ánægju fjölskyldunnar auk þess sem það hlýtur að vera hagstæðara fyrir íslenskt athafnalíf sem er í samskiptum við Evrópulöndin.

Misjöfn eru mannanna kjör

March 15, 2006

Ég komst ekki til að skrifa sögu úr skólastofunni á síðasta mánudag. þrykki samt einni inn hér. Ég veit ekki hvort ég er að brjóta trúnað með birtingu sögu stúlkunnar sem ég ætla að segja í dag. Treysti því, sé frásögnin trúnaðarbrot, verði farið mildum höndum um mig. Mér finnst einhvern veginn að saga afgönsku fjölskyldunnar eigi erindi til okkar allra sem lifum í vellystingum á Norðurlöndunum.

Fyrir nokkrum vikum síðan kom ný stúlka í 5. bekkinn minn. Hún var hæg og róleg. Talaði ekki mikið og það sem hún hafði lært í norsku var mállýska úr Sogn og Fjarðafylki svo ekki er auðvelt að skilja blessaða stúlkuna. Fjölskyldunni var nefninlega komið fyrir í því fylki þegar hún kom til Noregs.

Fyrir rúmlega tveimur árum síðan flúði faðir stúlkunnar land sitt, Afganistan, af pólitískum ástæðum. Útsendarar ríkistjórnar landsins voru á hælum hans þar sem hann hafði sett spurningarmerki við eitt og annað sem stjórnin aðhafðist. Honum var hjálpað að flýja til Pakistan þar sem hjálparfólk Sameinuðu Þjóðanna tók við honum og kom flutti til Noregs þar sem hann fékk öruggt skjól.

Þrátt fyrir að lífi húsbóndans væri ekki lengur ógnað var vandi fjölskyldunnar ekki leystur. Lögragla stjórnarinnar í Afganistan, sem íslensk og amerísk stjórnvöld að sjálfsögðu styðja, hafði upp á fjölskyldunni, konu, 5 börnum hjónanna og tveimur frændum og hóf að ógna henni segði hún ekki til húsbóndans.

Í fyrstu voru frændurnir barðir fyrir augum konunnar og barna hennar og henni hótað barsmíðum gerðu þau ekki eins og ríkisstjórnin vildi. Næst þegar þeir mættu á heimili fjölskyldunnar létu þeir aftur til skarar skríða gegn frændunum sem báðir voru á þrítugs aldri. Þeir létu ekki staðar numið þar heldur tóku einnig konuna og elstu dótturina 16 ára gamla og nauðguðu þeim báðum áður en þær voru limlestar með bareflum. Yngri börnun voru áhorfendur og gátu lítið annað gert.

Í þríðja sinn sem laganna verðir í Afganistan heimsóttu fjölskylduna beittu þeir vopnum,. Bæði léttum og þungum. Skotið var á húsið með vélbyssum til þess að svæla fjölskylduna út. Þar á eftir skutu þeir með fallbyssum áður en þeir hentu sprengjum inn í húsið. Það var áður en konan, elsta dóttirin og annar frændinn komu sér út. Húsið hrundi yfir fólkið. Konan hryggbrotnaði en dóttirin og frændin týndu lífinu. Þar með var aðeins annar frændinn eftir til að sjá um 4 börn á aldrinum 3 til 10 ára ásamt föðursystur sinni hryggbrotinni.

Í gegnum Rauða Krossinn og SÞ var börnunum fjórum og konunni komið til Noregs þar sem þau hittu fyrir föður sinn og eiginmann. Konan var í hjólastól og auk þess ólétt eftir nauðgarana. Eftir að konan varð léttari fluttist fjölskyldan að einhverjum ástæðum til Óslóar. Þar var henni komið fyrir í 70 m2 íbúð á 4. hæð í gamalli blokk án lyftu. Í hvert sinn sem konan þarf til læknis þarf maðurinn að byrja á því að bera hjólastólinn niður og út og sækja síðan konu sína á eftir.

Ég þarf ekki að segja neitt meira. Við getum öll ímyndað okkur hvernig þessi fjölskylda hefur það við þær aðstæður sem henni er gert að búa við. Það skal tekið fram Óslóborg vill ekkert fyrir fjölskylduna gera og segir að sveitarfélagið sem þau fluttu til fyrst beri að sjá um velferð þeirra.

Hver eru svo okkar vandamál við hlið fjölskyldunnar frá Afganistan?

Hvað gerist næst

March 12, 2006

154299i05_1285660_j_376058g.jpg
Central Jamaat-e Ahl-e Sunnat moskan í Urtugötu 11

Nú þegar maður hefur fylgst með ribböldunum í Jamaat-e Ahl-e Sunnat moskunni skilur maður betur orðið hegðunarmynstur barnanna í skólanum. Í mínum skóla er u.þ.b. 40% nemenda sem stunda þessa mosku nánast daglega. Það er náttúrulega ekkert einkennilegt við það að blessuð börnin beita langoftast ofbeldi við að leysa vandamál sín í skólanum þegar það er lausnin í moskunni þeirra.

Eftir að hafa hlustað og horft á marga af pakistönsku fjölskylduleiðtogunum hnakkrífast í sjónvarpi og nota orðbragð sem aldrei væri viðurkennt í samskiptum siðaðs fólks í okkar heimshluta er maður ekki undrandi á að gripið hafi verið til vopna undir föstudagsbæninni fyrir rúmri viku. Eftir atið í moskunnu var gólfið þar líkara gólfi í sláturhús en á bænastað.

Alla vikuna hefur lögreglan staði vörð utan við moskuna í Urtugötu til þess að forða fólki frá illindum. Undir föstudagsbænininni ,síðustu, fylgdust fjórir laganna verðir vandlega með því að enginn gerði árás á hina biðjandi með rörbútum eða hafnaboltakylfum eins og undir síðastu föstudagsbæn.

Síðustu fréttir af Urtugötusöfnuðinum er þær að nú hafa nokkrir einstaklingar, sem segjast hafa amk 1000 safnaðarmelimi, af þeim 6 þúsund sem tilheyr söfnuðinum, að baki sér til þess að taka völdin í moskunni. Þeri ætla að láta það verða sitt fyrsta verk að reka imamen í vikunni og segjast síðan ætla að efna til lýðræðislegra kosninga um bæði stjórn og imam innan þriggja mánaða.

Nú veltur maður því fyrir sér hvernig hægt er að efna til lýðræðislegra kosninga þar sem konum er bannað að kjósa. Þar sem þær eru barðar og lokaðar inni fyrir að opinbera aðra skoðun en húsbændur sínir. Þar sem margar þeirra eru ólæsar og óskrifandi. Það eru reyndar margir karlanna líka. Og það er ekki minnst merkilegt fyrir það að hver einasti islamtúrarmaður á að lesa í kóraninum á hverjum degi sér og sínum ti sáluhjálpar.

Það má með sanni segja að raunveruleikinn í Urtugötunni er annar en sá sem við þekkjum úr bókum Guðrúnar, sálugu, frá Lundi. Nú bíður maður spenntur eftir framvindu mála í vikunni. Hvað gerist á mánudaginn? Hver verður imam á þriðjudaginn? Verður einhver tekinn af lífi á miðvikudaginn? Maður verður bara að fylgjast með.