Allah gegn Buddah

Enn valda skrípamyndirnar af Múhameð usla í Skandinavíu. Í skólanum mínum varð blóðugur bardagi í dag er 10 ára hindúi gerði grín að spámanninum og viðkvæmni lærisveina hans vegna myndbirtinganna í norskum og dönskum fjölmiðlum. Blessað barnið, sem þótti allt umstangið hið skoplegasta, varð fyrir árás nokkura múslima, af pakistönskum uppruna, sem allir voru á 13. ári. Er sauðmeinlaus, kristin Norðmaður, ætlaði að koma indverska snáðanum til hjálpar fékk hann einnig að finna til tevatnsins hjá hinum heittrúuðu. Bardaginn endað með því að við, tveir vasklegir kennarar, gengum á milli og fréttum þá að við værum hórusynir og ættum að skammast okkar fyrir villutrú okkar. En er að afloknum bardaganum fóru hindúinn og sá kristni til skólahjúkkunnar þar sem gert var að sárum sínum sem voru all mikil í andliti andliti þeirra. Múslimarnir tvístruðust og einn hljóp heim og sótt liðveislu í föður sínum. Sá kom ábúðafullur og fór mikinn. Hann staðfesti skoðun sonar síns og félaga hans að við kennararnir værum hórusynir og illmenni.

Þá vitið þið það.

Advertisements
Explore posts in the same categories: Sögur úr skólanum

7 Comments on “Allah gegn Buddah”

  1. matti Says:

    Já, það á ekki af Norðmönnum að ganga. Pakistanar, hindúar og Íslendingar samankomnir á einum stað 🙂
    En svona spegla börnin samfélag sitt.
    Vissirðu annars að þriðja algengasta karlmannsnafnið í Ósló er Muhammed? Að vísu er það skrifað á nær 30 mismunandi vegu.

  2. Siggi Says:

    Þetta finnast mér verulega vondar fréttir. Ég skil ekki enn hvernig blaðamönnum dettur í hug að birta svona myndir, en ég hefði samt ekki að óreyndu trúað jafn kröftugum viðbrögðum.

  3. gudni Says:

    Þetta segir meira til um innræti hinna skandinavisku ritstjóra enn Múhameð sáluga. Það er dálítið skondið að ritstjóri Magasínsins, hins norska, hefur tvisvar áður tapað glórunni. það var þegar Jesus Kristur Súperstjarna var sett á fjalirnar og eins þegar kvikmyndin Life Of Brian varð lýðum ljóst. Höfundum beggja þessara hugverka óskaði ritstjóri Magasínsins vistar í logum hellvítis að lokinni jarðvist sinni. Það er því skammt öfgahópanna á milli.

  4. Kári Þór Says:

    jesús kristur er spámaður íslams. hversvegna er arabaheiminum sama um alla myndirnar sem birtast af jesús?
    Í gyðingdómi má heldur ekki teikna eða nefna nafn Guðs. Hvar eru mótmælin við öllum myndbirtingum af gamla karlinum með hvíta síða skegginu?
    Fyrr á öldum mátti ekki gagnrýna páfan né kaþólsku kirkjuna. Það er í lagi nú. Hvað hefur breyst? Eftirvill er það að fólk hefur nú, tjáningarfrelsi.

    Er það ekki þess virði að styðja og verja tjáningarfrelsið.

    Kveðja,
    Kári Þór

  5. gudni Says:

    Hjartanlega sammála þér Kári. Tjáningafrelsið er það mikilvægasta sem við eigum. En við getum nýtt það á marga vegu og það segir alltaf mest um okkur sjálf hvernig við notum það. Ritstjórarnir voru í fullum rétti. Ætla ekki að gagnrýna ritstj. Jyllandsposten. En sá norski skaut sig í báða fætur, ef ekki miðfótinn líka, með sinni myndbirtingu. Hann villdi banna poppaða dýrkun á ævi smiðssoanrins frá Nasaret svo ég tali nú ekki um MP hópinn og Life of Brian. Óneitanlega tvöfaldur í roðinu ekki satt.

    En nú fá þeir báðir stuðning úrt öllum áttum og það er vel. Fleiri fjölmiðlar birta myndirnar. Verður fróðlegt að vita hve margir standa uppi atvinnulausir er myndaævintýrinu um Múhameð lýkur

  6. Siggi Says:

    Auðvitað á að ríkja tjáningarfrelsi. En frelsi fylgir ábyrgð og illt er að egna ofstopamenn, hverrar trúar sem þeir eru. E.t.v. voru þessar myndbirtingar þúfa sem velti þungu hlassi af uppsafnaðri þörf íslamskra harðlínumanna fyrir gagnáróður í tengslum við 11. september hér um árið.

  7. gudni Says:

    Það er nákvæmlega ábyrgðin sem fylgir bæði orðum gerðum manna sem hér er í brennidepli. Hver ber ábyrgðina á því að í kjölfar myndbirtinganna hafa þúsundir manna, bæði í Danmörku og muslimsku löndunum, misst atvinnu sína. Muslimarnir hafa nefninlega sama rétt til að hvetja trúbræður sína til að sniðganga danskar, norskar og sænskar vörur á sama hátt og ritstjórar til að birta myndir í blöðum sínum.

    Reyndar má geta þess að norski ofsatrúarritstjórninn hefur nú, opinberlega, beðist afsökunnar á heimskupörum sínum. En nú bíða leiðtogar Evrópulandanna spenntir eftir því hvað gerist um helgina þar sem vitað er að muslimar ætla að láta kné fylgja kviði og kvetja trúbræður í föstudagsbæninni, í öllum löndum múslima, að herða enn herferðina gegn varningi frá villutrúarmönnum í gjörvallri Evrópu.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: